Ofurkona sem keppir í þríþraut
Margrét Ágústsdóttir er ótrúleg ofurkona þegar kemur að hreyfingu. Hún stundar þríþraut af kappi og lætur það ekki á sig fá að hún verður 67 ára í haust. Til að verja liði tekur hún Active JOINTS frá Eylíf.
Margrét segist vera búin að stunda þríþraut í ellefu ár en því fylgir mikið álag á líkamann. „Á þessum aldri og eftir miklar líkamlegar æfingar í gegnum árin þurfti ég að finna eitthvað sem héldi liðamótunum góðum. Ég var búin að prófa ýmislegt þegar ég rambaði á Active JOINTS frá Eylíf fyrir svona tveimur árum. Síðan hef ég ekki fundið fyrir neinu í liðunum. Active JOINTS virkar svona vel fyrir mig. Þess vegna finnst mér í góðu lagi að mæla með því fyrir aðra.
Ég vil að fólk viti af þessu fæðubótarefni,“ segir Margrét.
„Ég var farin að finna fyrir eymslum í liðunum eftir strangar æfingar, sérstaklega á morgnana þegar ég fór fram úr. Ég finn ekki fyrir því lengur. Að keppa og æfa mikið fylgir meiðslahætta.. Ef það gerist þarf að slaka aðeins á, ég fer til sjúkraþjálfara og passa upp á mig,“ heldur Margrét áfram. „Fyrir tveimur árum náði ég mér í beinmar í hné og þarf stundum að nota spelku frá Össuri ef ég finn mikið fyrir því. Liðirnir eru fínir og það þakka ég Active JOINTS.“
Byrjaði að æfa eftir fimmtugt
„Ég var komin yfir fimmtugt þegar vinnufélagi minn þáverandi kynnti mig fyrir þríþraut og ég kolféll fyrir íþróttinni. Mér fannst þetta ofboðslega skemmtilegt, góður félagsskapur og æfingarnar meiriháttar fyrir líkamann. Ég æfði mikið, 8-10 tíma á viku. Ég féll vel í þennan hóp og fannst einstaklega gaman að keppa. Mér finnst alltaf gott að reyna á mig líkamlega,“ segir Margrét. „Þríþrautin samanstendur af sundi, hlaupi og hjólreiðum. Vegalengdirnar eru mislangar, allt frá sprettþraut sem ég klára á 45 mínútum upp í heilan járnkarl sem er 16 tíma vinna. Ég æfi og keppi með Þríþrautardeild Breiðabliks,“ segir Margrét sem hefur keppt mikið í sumar. „Þríþrautin á hug minn allan og mig langar ekkert að hætta,“ bætir hún við. Ætla að halda áfram svo lengi sem ég get og finnst gaman.
Tók þátt í járnkarli
Í sumar fór Margrét til Danmerkur og tók þátt í hálfum járnkarli. „Það var ótrúlega gaman. Keppnin felst í 1900 metra sundi sem fram fór í höfninni á Helsingjaeyri. Síðan hjóluðum við í 90 km um Norður-Sjáland og hlupum síðan hálft maraþon í miðbæ Helsingjaeyrar. Þetta fannst mér óskaplega skemmtilegt. Við eigum að gera það sem við höfum ánægju af, sérstaklega þegar aldurinn færist yfir og ekki fyrir neinum að sjá nema okkur sjálfum.“
Margrét segist reyna að hvíla einu sinni til tvisvar í viku. „Stundum eru æfingar tvisvar á dag,“ segir hún. Margrét keppir í sínum aldursflokki en hún viðurkennir að hópurinn sé ekki stór.“
Það er merkilegt að Margrét var aldrei í íþróttum þegar hún var yngri. „Áhuginn vaknaði þegar ég var dreginn inn í þetta komin yfir miðjan aldur,“ segir hún og hlær. „Ég fann strax hvað þetta var gaman og hentaði mér vel. Ég æfi þessar þrjár greinar sem þríþrautin er, en meðfram því þarf ég að gera styrktaræfingar og teygjur. Það er afar mikilvægt,“ segir hún.
CrossFit í pásunni
„Síðasta keppnin er hjá mér núna um helgina. Það er sprettþraut sem fram fer í Reykjanesbæ. Sprettþrautin er stysta vegalengdin, þá er synt 400 metra í sundlaug, hjólað 10 km og hlaupið 2,5 km. Eftir þá keppni ætla ég að taka smá pásu og gera eitthvað allt annað til að hvíla hugann á þríþrautinni. Núna verður það CrossFit. Það hef ég gert einu sinni áður og finnst skemmtilegt. Ætli ég taki ekki einn og hálfan mánuði í því áður en þríþrautin hefst aftur,“ segir þessi ofurkona. „Næsta sumar fer ég svo í hálfan járnkarl í Svíþjóð með félögum mínum í Breiðabliki,“ segir Margrét sem hefur eignast marga vini í kringum sportið. „Þetta er svolítið extreme sport og hentar ekki öllum. Hins vegar ættu allir að reyna að finna eitthvað við sitt hæfi, hreyfing á þessum aldri er mjög mikilvæg þótt hún þurfi ekki að vera keppnis. Ég er mjög orkumikil og finnst gaman að vera til. Þríþrautin gefur lífinu lit,“ segir hún.
Margrét tekur þrjú hylki af Active JOINTS frá Eylíf á morgnana eins og mælt er með. „Ég fann mjög fljótlega eftir að ég byrjaði að taka Active JOINTS að liðleikinn var allt annar. Ég er því ákveðinn í að halda áfram að taka Active JOINTS. Mér finnst mikill plús að Active JOINTS er íslenskt fæðubótarefni með hreinum efnum úr okkar náttúruauðlindum.“
Ég get svo sannarlega mælt með vörunum frá Eylíf.
Hægt er að lesa viðtalið í heild hér í Fréttablaðinu sem birtist í ágúst 2022.
Leyfilegar heilsufullyrðingar:
C vítamín stuðlar að eðlilegri myndun kollagens fyrir eðlilega starfsemi brjósks. C vítamín stuðla að því að verja frumur fyrir oxunarálagi.Magnesíum og C vítamín stuðlar að því að draga úr þreytu og lúa. Magnesíum stuðlar að eðlilegri vöðvastarfsemi. Magnesíum hefur hlutverki að gegna við frumuskiptingu. D3 & C vítamín stuðla að eðlilegri starfsemi ónæmiskerfisins. C vítamín stuðlar að eðlilegri myndun kollagens fyrir eðlilega myndun húðar. Magnesíum hefur hlutverki að gegna við frumuskiptingu.
