Birgir Grétar Ottósson matreiðslumeistari kynntist Active JOINTS frá Eylíf þegar hann las umfjallanir fólks um vöruna í fjölmiðlum.
Hann ákvað að prófa og sér ekki eftir því þar sem líðanin hefur breyst mikið til hins betra.
Birgir sem er 77 ára útskýrir að verkir sem hafa verið að hrjá hann síðustu ár séu tilkomnir vegna þess að það vantar brjósk á milli neðstu hryggjarliða. „Auk þess er búið að skipta um báða mjaðmarliði,“ segir hann. „Nákvæmlega 17. apríl byrjaði ég að taka Active JOINTS frá Eylíf og tveimur mánuðum síðar, 17. júní, fann ég að verkirnir voru horfnir,“ greinir hann frá.
Birgir segist hafa verið svo ánægður með árangurinn að hann gaf bæði konu sinni og syni Active JOINTS til að prófa. Hann hafði átt erfitt með gang og þreyttist fljótt, engu að síður stundar hann sundlaugarnar daglega. „Á veturna fer ég líka í ræktina þrisvar í viku. Mér finnst þetta gera mér gott og Active JOINTS styður við þjálfunina. Núna get ég labbað langar leiðir án þess að finna til,“ segir hann og bætir við: „Ég hætti að vinna sjötugur en hefði líklega þurft að hætta tíu árum fyrr ef ég hefði ekki ræktað líkamann með því að synda og fara í heitu pottana. Þegar ég sá í blöðunum að fólk á öllum aldri var að taka inn Active JOINTS og mæla með því var ég ákveðinn í að prófa. Ég hafði reynt önnur fæðubótarefni fyrir liðina en fékk ekki sömu virkni og nú. Ég hef ekkert nema gott að segja um Active JOINTS og get vel mælt með því.“
Birgir starfaði lengi sem matreiðslumeistari bæði til sjós og lands þar sem mikið mæddi á líkamanum. Hann segist hafa verið nemi á hótel Esju og starfaði lengi þar og á hótel Íslandi. Birgir rifjar upp að hann hafi hrært út skyr fyrir Bobby Fischer þegar hann kom hingað á heimsmeistaramótið í skák árið 1972. „Sæmi rokk var duglegur að kenna honum að borða íslenskt skyr og skáksnillingnum líkaði það vel.
Maður þurfti að standa tólf tíma vaktir á þessum tíma sem reyndi stundum á líkamann. Ég starfaði síðan í mötuneyti í Vestmannaeyjum þegar gosið stóð yfir og matreiddi þar ofan í 550 manns daglega ásamt fjórum öðrum kokkum. Ég hætti síðan í nokkur ár í kokkeríinu og keyrði leigubíla og rútur. Þá var maður í kyrrsetu vinnu,“ segir hann.
„Ég byrjaði að synda í febrúar 2008 og fann strax að það hentaði mér vel. Ef ég kemst ekki í sundið þá vantar eitthvað í lífið en ég syndi 400 metra daglega,“ segir Birgir sem er þakklátur fyrir að hafa fundið Active JOINTS líka. „Allt hjálpast að,“ segir hann og er þakklátur fyrir að varan er hundrað prósent unnin úr íslenskum náttúruefnum. „Ég ætla sannarlega að halda áfram að taka inn Active JOINTS og vona að ég verði jafn hress og fósturfaðir minn norður í Skagafirði en hann vantaði fimm daga í 99 ár þegar hann lést. Hann hætti að aka bíl þegar hann var 97 ára,“ segir Birgir hressilegur.
Úr hreinum íslenskum hráefnum
Vörulínan Eylíf býður upp á fimm vörur, Active JOINTS, Stronger BONES, Smoother SKIN & HAIR, Happier GUTS og Stronger LIVER, allt vörur sem hafa reynst fólki vel. Vörurnar eru unnar úr hreinum, íslenskum hráefnum, engum aukefnum er bætt við og framleiðslan er á Íslandi. „Vinsælasta varan er Active JOINTS sem inniheldur fjögur íslensk næringarefni og margra ára rannsóknir sýna fram á jákvæð áhrif þeirra,“ segir Ólöf Rún Tryggvadóttir, stofnandi Eylíf.
